ABŞ-da saýlaw wekillerinden ybarar bolan Saýlaýjylar Geňeşi ýurtda geçirilen prezident saýlawlarynda ýeňiş gazanan demokrat Jozef Baýdeni ABŞ-nyň 46-njy Prezidenti hökmünde tassyklady. 538 wekiliň 302-si Baýdeniň, 232-si bolsa Trampyň peýdasyna ses berdi. Şeýlelik bilen, demokrat dalaşgär ABŞ-nyň Prezidenti wezipesine saýlanmagy üçin gerek bolan 270-den köp sese eýe boldy. Ses berlişikden soňra Josef Baýden ýurduň taryhynda täze sahypa açmagyň, birleşmegiň wagtynyň gelendigini aýtdy.

Saýlaýjylar Geňeşiniň ses berlişiginiň netijeleri 6-njy ýanwarda ABŞ-nyň wize-prezidenti Maýk Pensiň ýolbaşçylygynda Kongresde geçiriljek mejlisde gaýtadan tassyklanmaga hödürlener.

3-nji noýabrda ABŞ-nyň 50 ştatynda we paýtagt Waşingtonda prezident saýlawlary geçirilipdi. Şu ýyl dünýäde emele gelen çylşyrymly ýagdaýlar sebäpli adaty hem-de poçta arkaly geçirilen ählumumy saýlawlarda Josef Baýdeniň partiýasyndan 306, ABŞ-nyň häzirki Prezidenti Donald Trampyň partiýasyndan 232 wekil saýlanypdy. Ýurtda hereket edýän kanunçylyga laýyklykda, dalaşgäriiň 270 wekili saýlanan halatynda Prezidentlige saýlanýar. Saýlawlarda saýlawçylar gönüden-göni dalaşgäre däl-de, ştatyň Saýlaýjylar Geňeşiniň agzasyna ses berýärler. Saýlaýjylar Geňeşiniň wekilleriniň sany bolsa, her ştatda başgaça bolýar. Ştatda iň köp sesi haýsy partiýanyň wekilleri alsa, şol partiýanyň ozaldan kesgitlenen wekilleri ABŞ-nyň Prezidentini we wise-prezidentini saýlaýar. Emma däp boýunça saýlawyň yzysüre 270 wekili saýlanan dalaşgär, öz prezidentligini yglan edýär.

ABŞ-nyň saýlanan Prezidenti Jozef Baýden 20-nji ýanwarda wezipesine girişer.

 

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА