Çykarýan albomlary bilen aýdym-saz sanawlarynda öňdäki orny eýeleýän Teýlor Swiftiň täze albomy hem uly üstünlik gazandy. Amerikaly aýdymçynyň täze çykaran “Evermore” albomynyň ilkinji hepdesinde 1 million nusgasy satyn alyndy. “Evermore” 31 ýaşly aýdymçynyň “Folklore”-den soň, şu ýyl halk köpçüligine ýetiren 2-nji albomydyr. Häzirki wagtda “Billboard 200”-iň sanawynda 1-nji orunda barýan albom aýdymçynyň 9-njy aýdym-saz ýygyndysydyr. 60 minutlyk albomda 15 aýdym bar. Aýdymçynyň bu albomy onuň ilkinji hepdesinde 1 million nusgasy satylan 3-nji albomy boldy.
