Mil­li Li­de­ri­mi­ziň pa­ra­sat­ly baş­tu­tan­ly­gyn­da «Türk­me­nis­tan – pa­ra­hat­çy­ly­gyň we yna­nyş­ma­gyň Wa­ta­ny» ady bi­len geç­ýän 2021-nji ýyl uly üs­tün­lik­ler bi­len baş­la­dy. Mu­kad­des Ga­raş­syz­ly­gy­my­zyň şan­ly 30 ýyl­lyk to­ýu­nyň toý­lan­ýan ýy­ly ata Wa­ta­ny­myz, bag­ty­ýar hal­ky­myz üçin şow­ly ýyl­la­ryň bi­ri­ne öw­rü­ler.
«Türk­me­nis­tan – pa­ra­hat­çy­ly­gyň we yna­nyş­ma­gyň Wa­ta­ny» ýy­ly­nyň il­kin­ji aýy şat­lyk­ly wa­ka­la­ra hem-de ha­bar­la­ra baý bol­ýar. Hormatly Prezidentimiziň gat­naş­ma­gyn­da «Ma­laý» gaz kä­nin­dä­ki tä­ze gaz gy­sy­jy des­ga­nyň açy­lyp ulan­ma­ga be­ril­me­gi, şeý­le hem Ker­ki (Türk­me­nis­tan) – Şi­bir­gan (Ow­ga­nys­tan) ug­ry bo­ýun­ça elekt­rik ge­çi­ri­ji­si­niň, «Aki­na-And­hoý» be­ket­le­ri­niň ara­ly­gyn­da 30 ki­lo­metr­lik de­mir ýo­lu­nyň, şeý­le hem iki ugur – Ymam­na­zar (Türk­me­nis­tan) – Aki­na (Ow­ga­nys­tan) we Ser­he­ta­bat (Türk­me­nis­tan) – Tur­gun­dy (Ow­ga­nys­tan) ugur­la­ry bo­ýun­ça hal­ka­ra op­ti­ki-sü­ýüm­li ara­gat­na­şyk ul­ga­my­nyň we üs­ta­şyr ge­çel­ge­le­ri­niň işe gi­ri­zil­me­gi mu­nuň aý­dyň su­but­na­ma­sy­dyr.
Hor­mat­ly Pre­zi­den­ti­mi­ziň öňe sür­ýän pa­ra­hat­çy­lyk­sö­ýü­ji­lik tag­ly­ma­ty iş ýü­zün­de üs­tün­lik­li ama­la aşy­ryl­ýar. Pa­ra­hat­çy­lyk we yna­nyş­mak ýur­du­my­zyň da­şa­ry we içe­ri sy­ýa­sa­ty­nyň öze­ni­ne hem-de ýö­rel­ge­si­ne öw­rül­di.

Şol ýö­rel­ge­le­re esas­la­nyp, milli Liderimiz se­bit­de umu­my geoyk­dy­sa­dy hem-de sy­ýa­sy ýag­da­ýa oňyn tä­si­ri­ni ýe­tir­jek hal­ka­ra baş­lan­gyç­lar bi­len çy­kyş ed­ýär. Bu baş­lan­gyç­la­ryň esa­syn­da iri hal­ka­ra de­re­je­sin­dä­ki tas­la­ma­lar dur­mu­şa ge­çi­ril­ýär. Ýo­kar­da ag­za­lyp ge­çi­len tas­la­ma­la­ryň dur­mu­şa ge­çi­ril­me­gi ata Wa­ta­ny­my­zyň Mer­ke­zi hem-de Gü­nor­ta Azi­ýa­ny Ýew­ro­pa we Ýa­kyn Gün­do­gar bi­len bi­rik­dir­ýän ulag-kom­mu­ni­ka­si­ýa ara­gat­na­şy­gy­nyň hem-de yk­lym de­re­je­sin­de ener­gi­ýa üp­jün­çi­li­gi­niň tä­ze zo­la­gy­nyň ke­ma­la ge­ti­ril­me­gi­ne giň müm­kin­çi­lik ber­ýär. Bi­le­lik­dä­ki tas­la­ma­la­ryň ama­la aşy­ryl­ma­gy iki döw­le­tiň we do­gan­lyk halk­la­ryň dä­be öw­rü­len dost­luk­ly, ne­ti­je­li gat­na­şyk­la­ra yg­rar­ly­dy­gy­ny, şeý­le hem Türk­me­nis­ta­nyň goň­şy Ow­ga­nys­ta­nyň dur­muş-yk­dy­sa­dy ösü­şi­ni iş­jeň gol­da­ýan­dy­gy­ny no­bat­da­ky ge­zek äş­gär et­di. Mil­li Li­de­ri­mi­ziň bel­leý­şi ýa­ly, bu üç tas­la­ma gys­ga möh­let­ler­de ama­la aşy­ryl­dy. Olar umu­my mak­sa­da – bi­ziň ýurt­la­ry­my­zyň uzak­möh­let­le­ýin ösü­şi­ne kuw­wat­ly iter­gi ber­mä­ge we bu ösü­şi üp­jün et­mä­ge, türk­men we ow­gan halk­la­ry­nyň gül­läp ös­me­gi­ne we aba­dan­çy­ly­gy­na gö­nük­di­ri­len­dir, giň hal­ka­ra hyz­mat­daş­ly­gy­na, öza­ra dü­şü­niş­mä­ge, sy­ýa­sy we dur­muş taý­dan dur­nuk­ly ösü­şe ýar­dam et­mä­ge ni­ýet­le­nen­dir.
Hor­mat­ly Pre­zi­den­ti­mi­ziň baş­lan­gyç­la­ry­nyň we tek­lip­le­ri­niň iş ýü­zün­de dur­mu­şa geç­ýän­di­gi­niň şa­ýa­dy bol­ýa­rys. Hä­zir­ki tas­la­ma­lar se­bi­tiň yk­ly­myň dur­nuk­ly ös­me­gi üçin berk bin­ýat bo­lup hyz­mat et­mä­ge hem-de hal­ka­ra hyz­mat­daş­ly­gy­ny ös­dür­mä­ge giň­den ýar­dam eder. Tä­ze elekt­rik ge­çi­ri­ji we op­ti­ki-sü­ýüm­li ara­gat­na­şyk ul­gam­la­ry­nyň hem-de de­mir ýo­luň ulan­ma­ga be­ril­me­gi bi­len, Türk­me­nis­ta­nyň we Ow­ga­nys­ta­nyň ara­syn­da giň ge­rim­li öza­ra hyz­mat­daş­lyk et­mek üçin tä­ze müm­kin­çi­lik­ler açyl­ýar.
Ow­ga­nys­tan Ys­lam Res­pub­li­ka­sy­nyň Pre­zi­den­ti­niň «Ýe­di ýyl mun­dan oň, pre­zi­dent­li­ge da­laş eden wag­tym men­den da­şa­ry sy­ýa­sa­ty­my ni­re­den baş­la­jak­dy­gy­my so­rap­dy­lar. Şon­da men Türk­me­nis­tan­dan di­ýip jo­gap ber­dim. Me­niň jo­ga­bym wa­tan­daş­la­ry­my­zyň hem-de da­şa­ry ýurt­ly sy­ýa­sat­çy­la­ryň en­çe­me­si­ni haý­ran gal­dy­ryp­dy. Bu gün bol­sa, ola­ryň iki do­gan­lyk we goň­şy ýurt­la­ryň ara­syn­da­ky gat­na­şyk­la­ry gö­rüp, me­niň jo­ga­by­myň dog­ru­dy­gy­na dü­şü­nen­dik­le­ri­ne ynan­ýa­ryn» di­ýip, bel­län söz­le­ri dost­luk­ly ow­gan hal­ky­nyň mil­li Li­de­ri­mi­ziň taý­syz ta­gal­la­ry­na çäk­siz hor­ma­ty­nyň ny­şa­ny­dyr.
Bi­ri-bi­rin­den has uly äh­mi­ýe­te eýe bo­lan tas­la­ma­lar Ow­ga­nys­ta­nyň we Türk­me­nis­ta­nyň ara­syn­da­ky söw­da­ny iş­jeň­leş­dir­mä­ge müm­kin­çi­lik be­rer. Ow­ga­nys­ta­nyň de­mir ýol mü­dir­li­gi­niň ge­çi­ren sel­jer­me­si­ne la­ýyk­lyk­da, da­şal­ýan ýük­le­riň möç­be­ri bi­rin­ji ýyl­da 20 gö­te­rim hem-de bu de­mir ýo­ly ulan­ma­gyň ikin­ji ýy­lyn­da 50 gö­te­rim ar­tar. Mu­nuň özi ýük da­şa­ma­la­ry­nyň tiz­li­gi­niň art­ma­gy­na ge­ti­rer, iş orun­la­ry peý­da bo­lar. Tä­ze de­mir ýol bi­len bir­lik­de, Ow­ga­nys­ta­nyň köp bö­le­gi­ne tä­ze dur­mu­şyň hem gel­jek­di­gi­ni ynam bi­len aý­dyp bo­lar. Türk­men de­mir ýol gur­lu­şyk­çy­la­ry­nyň ama­la aşyr­ýan iş­le­ri ýur­du­my­zyň Ow­ga­nys­tan Ys­lam Res­pub­li­ka­sy­ny dur­muş-yk­dy­sa­dy taý­dan ös­dür­mä­ge uly go­şan­dy bo­lup dur­ýar. Ow­ga­nys­tan ba­bat­da ama­la aşy­ryl­ýan ener­ge­ti­ka tas­la­ma­la­ry hem mö­hüm äh­mi­ýe­te eýe­dir. Bu tas­la­ma­lar Ow­ga­nys­ta­nyň de­mir­ga­zyk we­la­ýat­la­ryn­dan elekt­rik ener­gi­ýa­nyň howp­suz­ly­gy­nyň üp­jün edil­me­gi­ne hem-de ýur­duň umu­my elekt­rik üp­jün­çi­li­gi­ni go­wu­lan­dyr­ma­ga ýar­dam eder. Şeý­le hem kuw­wa­ty 500 ki­lo­watt bo­lan elekt­rik ge­çi­ri­ji ul­ga­myň işe gi­ri­zil­me­gi bi­len elekt­rik ener­gi­ýa­sy­ny ulan­ýan adam­la­ryň sa­ny ýurt bo­ýun­ça 9 mil­lio­na çen­li ar­tar. Bu bol­sa, Ow­ga­nys­ta­ny yg­ty­bar­ly elekt­rik to­gy bi­len üp­jün et­mek­de mö­hüm ädim bo­lup dur­ýar. Ow­gan ta­ra­py öz çä­gin­de türk­men elekt­rik ener­gi­ýa­sy­ny ka­bul et­mek üçin ze­rur bo­lan des­ga­la­ry gur­dy. Bi­rin­ji tap­gyr­da ol And­hoý, Şi­bir­gan we Ma­za­ri-Şa­rif şä­her­le­ri­ne ibe­ri­ler. Ikin­ji tap­gyr­da – 2022-nji ýy­lyň ba­şy­na Pu­li-Hum­ri we Ka­bul şä­her­le­ri­ne ibe­ri­ler.
Hal­ka­ra op­ti­ki-sü­ýüm­li ara­gat­na­şyk ul­gam­la­ry Ýew­ro­pa­nyň we Azi­ýa­nyň ara­syn­da esa­sy mag­lu­mat­lar «köp­rü­si­niň» we­zi­pe­si­ni ýe­ri­ne ýe­ti­rer. Şeý­le­lik­de, bu tas­la­ma­lar pa­ra­hat­çy­ly­gyň we yna­nyş­ma­gyň esa­syn­da ös­dü­ril­ýän türk­men-ow­gan dost­lu­gy­nyň esa­sy ny­şa­ny bo­lar.
Hä­zir­ki dö­wür­de ýur­du­my­zyň äh­li ýer­le­rin­de bol­şy ýa­ly, «Türk­me­nis­tan – pa­ra­hat­çy­ly­gyň we yna­nyş­ma­gyň Wa­ta­ny» ýy­ly­nyň şy­ga­ry­nyň hor­ma­ty­na da­ba­ra­ly çä­re­ler hem ýurt möç­be­rin­de hem-de hal­ka­ra de­re­je­sin­de giň ge­ri­me eýe bol­ýar. Şeý­le çä­re­ler ýur­du­my­zyň tä­ze ýyl­da­ky üs­tün­lik­le­ri­ni go­şa­lan­dy­ryp, mu­kad­des Ga­raş­syz­ly­gy­my­zyň şan­ly 30 ýyl­lyk to­ýu­ny uly zäh­met ýe­ňiş­le­ri bi­len gar­şy­la­ma­ga äh­li müm­kin­çi­lik­le­ri dö­re­der.

La­çyn GEL­DI­ÝE­WA,
S. A. Ny­ýa­zow adyn­da­ky Türk­men oba ho­ja­lyk uni­wer­si­te­ti­niň mu­gal­ly­my.

Gyzykly bolup bilerЕЩЕ ОТ АВТОРА