Abu-Da­bi­niň tä­ze me­ýil­na­ma­sy

Bir­le­şen Arap Emir­lik­le­ri­niň paý­tag­ty Abu-Da­bi­de tä­ze tas­la­ma ýo­la goý­lup, ýa­kyn wagt­da sy­ýa­hat­çy­la­ra Abu-Da­bi­niň çöl­le­rin­de baş­dan ge­çir­me­le­re baý sy­ýa­ha­ty ama­la aşyr­ma­ga müm­kin­çi­lik dö­re­di­ler. Bu ba­ra­da Abu-Da­bi­niň Me­de­ni­ýet we sy­ýa­hat­çy­lyk mi­nistr­li­gi ha­bar ber­di.
«Off­ro­ad Areas In Abu Dha­bi» tas­la­ma­sy Abu-Da­bi­niň, Al-Daf­ru­nyň we Al-Aý­nyň be­ýik­li-pes­li ýol­la­ry bi­len uza­ýan al­ty sa­ny ug­run­dan yba­rat bo­lup, öz aw­tou­la­gyn­da ge­ze­len­je git­me­gi ýü­re­gi­ne dü­wen sy­ýa­hat­çy­la­ra ni­ýet­le­nen­dir.
Bu tas­la­ma bo­ýun­ça ugur­lar­da sü­rü­ji­lik tej­ri­be­si na­za­ra al­nyp, hü­när­men­le­re we tä­ze baş­lan­la­ra giň müm­kin­çi­lik­ler dö­re­di­len­dir. Her ugur­da dü­ýe­le­ri, je­ren­le­ri we çöl aň­ňat­la­ry­nyň aja­ýyp gör­nüş­le­ri­ni syn­la­mak we oa­zis­le­re ba­ryp gör­mek ýa­ly dür­li ge­ze­lenç müm­kin­çi­lik­le­ri­ göz öňün­de tu­tu­lan.
Sü­rü­ji­ler dür­li teh­no­lo­gik kar­ta­lar we howp­suz­ly­gy üp­jün et­mek bo­ýun­ça gö­zük­dir­me­ler bi­len üp­jün edi­ler. Ýurt­da ulag sür­mek­de tej­ri­be­si bol­ma­dyk­la­ra sy­ýa­hat­çy­lyk ope­ra­tor­la­ry ta­ra­pyn­dan baş­dan ge­çir­me­le­ri iň ýo­ka­ry howp­suz­lyk bi­len ge­çir­mä­ge kö­mek et­mek üçin dö­re­di­len ýö­ri­te kurs­lar bar. Ýol­la­ryň her bir ug­ry «Go­og­le Maps» prog­ram­ma­sy ar­ka­ly ug­ruk­dy­ry­lar.
– Dür­li-dür­lü­li­gi we be­lent­li-pes­li man­za­ry bi­len ta­nal­ýan Abu-Da­bi­niň çöl­le­ri baş­dan ge­çir­me­le­ri söý­ýän­ler we te­bi­gat bi­len ara­gat­na­şyk sak­la­mak is­le­ýän­ler üçin aja­ýyp müm­kin­çi­lik­dir. «Capi­tal Ga­te Tou­rism and Adven­tu­re», şeý­le hem «Anan­ta­ra Qasr Al Sa­rab Re­sort» bi­len ýa­kyn­dan hyz­mat­daş­lyk et­dik, hem­me­ler üçin gy­zyk­ly we howp­suz baş­dan ge­çir­me­le­ri üp­jün et­mek üçin iň oňat ugur­la­ry taý­ýar­la­dyk – di­ýip, Abu-Da­bi­niň Me­de­ni­ýet we sy­ýa­hat­çy­lyk mi­nistr­li­gi­niň Sy­ýa­hat­çy­lyk we mar­ke­ting bö­lü­mi­niň ýe­ri­ne ýe­ti­ri­ji di­rek­to­ry Ali Ha­san Al Şaý­ba aýt­dy.
«Off­ro­ad Areas In Abu Dha­bi» baş­dan ge­çir­me­le­ri göz­le­ýän­le­re Abu-Da­bi­niň çöl­le­ri­niň aja­ýyp gör­nüş­le­rin­den lez­zet al­ma­ga, şeý­le hem tol­gun­dy­ry­jy sy­ýa­hat et­mä­ge müm­kin­çi­lik dö­red­ýär. Şeý­le hem bu tas­la­ma sy­ýa­hat­çy­la­ra çöl tä­sir­le­ri nuk­daý­na­za­ryn­dan tä­ze müm­kin­çi­lik­ler aç­ýar.