Angliýanyň çempionatynda 20-nji tapgyryň jemleýji duşuşygynda soňky çempion “Liwerpul” bilen “Tottenham” Londonda duşuşdy. Çekeleşikli geçen oýunda myhmanlar 3-1 hasabynda ýeňiş gazandy. Oýnuň 45+4-nji minutynda Firmino hasaby açdy. Bu “Liwerpulyň” 2021-nji ýyla geçip çempionatda geçirilen ilkinji goly boldy. Başgaça aýdylanda, “liwerpullylar” 486 minutdan soň çempionatda gol geçirmegi başardy. Duşuşygyň 2-nji ýarymyna-da gol bilen başlan “Liwerpulyň” sag gyraky goragçysy Trent Aleksander Arnold hasaby 2-0-a çykardy. 49-njy minutda Hoýbýerg aratapawudy 1-e düşürse-de, 65-nji minutda Sadio Mane oýna soňky nokady goýdy. Şunlukda, “Liwerpul” çempionatda 5 oýundan (3 deňlik, 2 ýeňliş) soň ilkinji ýeňşini gazandy. 20 tapgyrdan soň 41 utuk toplan “Liwerpul” 1 oýny kem sanawyň lideri “Mançester Sitiden” 4 utuk yzda barýar.
