“Mançester Ýunaýtediň” ýarymgoragçysy Jesse Lingard karýerasynyň başga iňlis kluby “West Ham Ýunaýtedde” dowam etdirer. Ol londonlylaryň düzüminde möwsümiň ahyryna çenli oýnar (kärendesine). “West Ham” 28 ýaşly oýunçynyň kärende tölegi hökmünde “Mançester Ýunaýtede” 1,5 million sterling berer. Lingard bu möwsümde “Ýunaýtediň” düzüminde 3 duşuşykda meýdança çykdy.
* * *
Braziliýaly meşhur futbolçy Halk öz ýurduna dolandy. 34 ýaşly futbolçy 2016-njy ýyldan bäri Hytaýyň “Şanhaý SIPG” toparynda çykyş edip gelýärdi. Hytaýy kluby bilen geçen ýyl şertnamasy tamamlanan Halk ýurdunyň “Atletiko Mineýro” toparynyň düzümine goşuldy. Ol täze kluby bilen 2022-nji ýylyň ahyryna çenli şertnama baglaşdy.
* * *
“Premier Liganyň” wekili “West Bromwiç Albion” topary “Galatasaraýyň” senegally hüjümçisi Mbaýe Diany transfer etdi. Iňlis kluby 29 ýaşly hüjümçini möwsümiň ahyryna çenli kärendesine şertnama baglaşdy. “Galatasaraýyň” oýunçynyň kärende tölegi hökmünde “West Bromwiçden” 1,4 million funt sterling alar.
