Italiýanyň çempionaty “Serie A”-da 25-nji tapgyrda “Ýuwentus” öz meýdançasynda “Spesiýa” toparyndan 3-0 üstün çykdy. Çempionlyk ugrunda täzeden göreşe goşulan “Ýuwentusyň” gollaryny Morata (62), Kieza (71) hem-de Ronaldo (89) derwezä girizdi. Toparynyň 3-nji goluny geçiren Kristiano Ronaldo şu möwsümdäki 20-nji goluny geçirdi. Ol 12 möwsüm yzly-yzyna azyndan 20 gol geçiren oýunçy boldy. Şeýle-de 36 ýaşyndaky super ýyldyz milli çempionatlardaky 600-nji duşuşygyny oýnady. Ol “La Ligada” 292, “Premier Ligada” 196, “Serie A”-da 85, Portugaliýanyň Ligasynda-da 27 duşuşykda meýdança çykdy.
