“Apple” kompaniýasy ABŞ-nyň çäklerindäki 270 dükanynyň ählisini gaýtadan açdy. “iPhone” önümçiligi bilen belli bolan kompaniýa geçen ýylyň 13-nji martynda pandemiýa sebäpli ýurtdaky dükanlaryny ýapypdy. Kompaniýanyň Fransiýadaky 12 hem-de Braziliýadaky 2 dükanynyň entek açylmajakdygy mälim edildi. Meksikadaky 2 dükany bolsa açyldy. Kompaniýanyň Hytaýdan başga ýurtlardaky dükanlary bir ýyl çemesi wagt bäri ýapyk durdy.
