Ener­gi­ýa hyz­mat­daş­ly­gy­ny gi­ňel­der

Hin­dis­tan bi­len ABŞ ýa­kyn wagt­da iki ýur­duň ara­syn­da­ky stra­te­gik ener­gi­ýa hyz­mat­daş­ly­gy­nyň çä­gin­de wo­do­rod bo­ýun­ça iş to­pa­ry­ny dö­re­der. Bu ba­ra­da ABŞ-nyň ener­ge­ti­ka mi­nist­ri­niň orun­ba­sa­ry De­wid M. Turk ha­bar ber­di.
– Biz ABŞ-Hin­dis­tan stra­te­gi­k ener­gi­ýa hyz­mat­daş­ly­gy­nyň çäk­le­rin­de wo­do­rod bo­ýun­ça ame­ri­kan-hin­di to­pa­ry­ny dö­ret­mek mak­sa­dy bi­len hin­dis­tan­ly hyz­mat­daş­la­ry­myz bi­len iş­le­ýä­ris – di­ýip, «Wo­do­rod yk­dy­sa­dy­ýe­ti: Nýu-De­li dia­lo­gy-2021» at­ly te­ge­lek sto­lun­da De­wid M. Turk aýt­dy. Ol wo­do­ro­dyň 2035-nji ýy­la çen­li do­ly ug­le­rod­syz tor ba­ra­da­ky mak­sa­da ýet­mek üçin giň ge­rim­li we uzak möh­let­li ener­gi­ýa sak­la­mak mak­sa­dy bi­len aý­ra­tyn äh­mi­ýe­te eýe bol­jak­dy­gy­ny bel­läp geç­di.
– Ener­gi­ýa sak­la­ýyş se­riş­de­si hök­mün­de wo­do­ro­dyň önüm­çi­li­gi­ne, se­na­gat taý­dan ula­ny­ly­şy­na, şeý­le hem ony üp­jün et­mek üçin ze­rur bol­jak ma­li­ýe gur­luş­la­ry­na üns be­re­ris – di­ýip, Turk bel­le­di.
Du­şu­şy­ga gat­na­şan BAE-niň se­na­gat we ösen teh­no­lo­gi­ýa mi­nist­ri Sol­tan Ah­med Al Ja­ber wo­do­rod ba­za­ry­ny ös­dür­mek we Nýu-De­li­niň has aras­sa ener­gi­ýa is­leg­le­ri­ni gol­da­mak üçin Hin­dis­ta­nyň döw­let we hu­su­sy pu­dak­la­ry bi­len iş­leş­mä­ge BAE-niň taý­ýar­dy­gy­ny aýt­dy.
– Hin­dis­tan bi­len BAE-niň köp pu­dak­lar­da çuň­ňur kök uran iki­ta­rap­la­ýyn gat­na­şyk­la­ra esas­lan­ýan aý­ra­tyn gat­na­şy­gy bar. Hin­dis­tan hä­zir­ki wagt­da, esa­san hem, ener­gi­ýa pu­da­gyn­da iň iri we mö­hüm söw­da hyz­mat­daş­la­ry­my­zyň bi­ri­dir. Hin­dis­ta­nyň ener­gi­ýa bo­lan is­le­gi art­dy­gy­ça, biz äh­li önü­mi­mi­zi hin­di ba­za­ry­na el­ýe­ter­li et­mek bi­len bu is­le­gi ka­na­gat­lan­dyr­ma­ga ta­ýyn. Şol bir wag­tyň özün­de, Hin­dis­ta­nyň bu me­se­le­de zy­ňyn­dy­syz has köp ener­gi­ýa ta­lap ed­ýän­di­gi­ni bil­ýä­ris. Glo­bal ener­gi­ýa ge­çi­şi­ne hem­mä­miziň bi­le­lik­de ün­sü­mi­zi gö­nük­dir­ýän­di­gi­mi­ze gö­rä, wo­do­ro­dyň ha­ky­kat­dan hem, arassa ýan­gy­ç hök­mün­de gel­je­gi uly we po­ten­si­al müm­kin­çi­lik­le­ri hö­dür­le­ýän­di­gi­ne ynan­ýa­rys – di­ýip, Sol­tan Ah­med Al Ja­ber bel­le­di.
Te­ge­lek stol­da Awst­ra­li­ýa­nyň ener­getika mi­nist­ri An­gus Teý­lor Hin­dis­ta­nyň wo­do­rod yk­dy­sa­dy­ýe­ti­ni gur­mak ba­ra­da­ky gy­zyk­lan­ma­la­ry­ny gol­da­ýan­dy­gy­ny mä­lim edip:
– Biz dün­ýä­de iň go­wy wo­do­rod hyz­mat­da­şy – aras­sa wo­do­rod teh­no­lo­gi­ýa­sy bo­ýun­ça öň­de­ba­ry­jy bol­mak is­le­ýä­ris. Awst­ra­li­ýa­nyň mak­sa­dy, aras­sa wo­do­ro­dyň bir ki­log­ra­my­nyň ba­ha­sy­ny 2 dol­la­rdan pe­selt­mek­dir – di­ýip, bel­le­di.
Da­ni­ýa­nyň Ho­wa mi­nist­ri Den Ýor­gen­sen hem öz ge­ze­gin­de Nýu-De­li bi­len Ko­pen­ga­ge­niň iki ýur­duň dur­nuk­ly çöz­güt­le­ri öňe sür­mek üçin bi­le­lik­de iş­le­mä­ge müm­kin­çi­lik ber­jek uzak möh­let­li ýa­şyl stra­te­gi­k hyz­mat­daş­ly­ga gi­ri­şen­di­gi­ni mä­lim et­di.