Ispaniýaly suratkeş Pablo Pikassonyň boýy 1,5 m-e deň bolan “Penjirede otyran zenan” (1932) atly suraty Nýu-Ýorkdaky geçirilen auksionda takmynan 103,5 million dollara satyldy. “Christie’s” auksion öýüniň guran söwdasynda mundan başga-da, Klod Monetiň “Woterlu köprüsi, ümüriň täsiri”(1903) atly kartina 48,45 million dollara we impressionist Jorj Sýuranyň “Peýzaž we keşpler” (1884) suraty 13,1 million dollara satyldy.
Iňlis suratkeşi Banksiniň “Häzir gülüň, ýöne bir gün höküm süreris” atly suratynyň 2,07 million dollara satylandygy mälim boldy.
