Hytaýyň “Tianwen-1” atly enjamynyň Marsa şowly ýagdaýda gonandygy mälim edildi. Şeýlelikde Hytaý ABŞ-dan soňra goňşy planetanyň öwrenmek maksady bilen onuň ýüzüne enjam gonduran ikinji ýurt boldy. Hytaýyň Kosmos Agentliginiň metbugata berlen beýanatda Marsyň “Utopia Planitia” atly giň meýdanyna gondurylandygy mälim edildi. Geçen ýylyň 23-nji iýulynda uçurylan enjamyň tizligini peseldip, planetanyň ýüzüne gonmagynyň 9 minut dowam edendigi habar berildi. Enjam şu ýylyň 10-njy fewralynda Marsyň orbitasyna giripdi. Şeýlelikde, üç aý bäri Marsyň töwereginden aýlanýan “Tianwen-1” atly kosmos gämisiniň göterýän “Zhurong” atly özbaşdak hereket edýän tigiri enjam Marsa gondy. “Tianwen-1” kosmos gämisi bolsa, orbitadaky aýlawyny dowam etdirer. Marsa gondurylan robot-enjam planetanyň topragyny we atmosferasyny öwrener. Enjamda dürli barlaglary geçirmek we nusga almak üçin 13 gural bar.
