Häzirki wagtda Ýewropanyň ähli ligalarynda diýen ýaly çempion belli boldy. Çempiony belli bolmadyk az sanly ligalaryň biri Ispaniýanyň “La Ligasy” bilen Fransiýanyň “Ligue 1” çempionatlarydyr.
Ýewropanyň öňdebaryjy çempionatlarynyň esasy duşuşyklaryny yzygiderli ýaýlyma berýän “Türkmenistan sport” teleýaýlymynda hepdäniň soňky 2 gününde soňky tapgyrlaryň birnäçe duşuşyklary görkeziler. Başgaça aýdylanda, “La Liganyň” çempiony hem-de aşaky liga gitjek klublar “Türkmenistan sport” teleýaýlymynda belli bolar. Ýagny ertir, şenbe güni, 22-nji maýda Aşgabat wagty bilen 21:00-da başlanjak oýunlar online görnüşdi göni ýaýlymda tomaşaçylaryň dykgatyna ýetiriler. “La Ligada” şenbe güni 21:00-da başlajak duşuşyklaryň ählisinden gollar, howply pursatlar göni ýaýlymda efire berler. Şol duşuşyklaryň arasynda sanawyň lideri “Atletiko Madridiň” myhmançylykda “Walýadolid” bilen, onuň söbügini basyp barýan we garşydaşynyň ýalňyşaryny umyt edýän “Real Madrid” öz meýdançasynda “Wilýarreal”, çempionaty 3-nji hatarda tamamlamak isleýän “Barselona” myhmançylykda “Eýbar” bilen duşuşar. Şol sanda “Selta”–“Betis”, “Hueska”–“Walensiýa”, “Osasuna”–“Real Sosiedad” duşuşyklary hem 21:00-da başlar.
Şol gün çempionlygyny yglan eden “Bundesliganyň” çempiony “Bawariýa” hem “Augsburgy” kabul eder. Duşuşykda Lewandowski 1 gol geçiren ýagdaýynda Gerd Mülleriň rekordyny öz adyna geçirer.
“Atalanta”-“Milan”
Hepdäniň ýekşenbe gününiň iň esasy oýny hem “Serie A”-daky “Atalanta” bilen “Milanyň” arasyndaky oýun bolup, myhmanlaryň Çempionlar ligasyna gatnaşmak üçin ýeňmegi gerek. Ýa-da “Ýuwentusyň”, “Napoliniň” utuk ýitirmegi gerek. 23:45-de başlanjak oýun hem “Türkmenistan sport” teleýaýlymy arkaly efire berler.
“Türkmenistan sport” teleýaýlymynda görkeziljek duşuşyklar
22-nji maý, şenbe güni
Brentford – Bornmut (16:30)
Bawariýa – Augsburg (18:30)
La Liga online (21:00)
Krotone – Fiorentina (23:45)
23-nji maý ýekşenbe güni
Granada – Hetafe (21:30)
Atalanta – Milan (23:45)
