“La Ligany” 3-nji hatarda tamamlan “Barselonanyň” super ýyldyzy Lionel Messi şu möwsümde çempionatda 30 gezek tapawutlandy. Argentinaly hüjümçi bassyr 5-nji, umumylykda-da 8-nji gezek “La Ligada” iň köp pökgi geçiren futbolçy bolmagy başardy. Ol 2009/10 möwsüminde 34, 2011/12 möwsüminde 50, 2012/13 möwsüminde 46, 2016/17 möwsüminde 37, 2017/18 möwsüminde 34, 2018/19 möwsüminde 36, 2019/20 möwsüminde 25 gol geçirdi. Messi “La Ligada” şu wagta çenli 520 oýunda 474 gol geçirdi.
***
Fransiýanyň çempionatynda-da çempionlygy “Lill” toparyna aldyran PSŽ-niň super ýyldyzy Kilian Mbappe 27 gol bilen iň netijeli futbolçy boldy. Ol bu ugurda 20 gol geçiren Wissam Ben Ýedder bilen Memfis Depaýdan öňe saýlandy. Fransiýaly hüjümçi eýýäm bassyr 3-nji möwsüminde iň köp gol geçiren futbolçy bolmagy başardy. 2018/19 möwsüminde 33 gol geçiripdi. Geçen möwsümde 18 gol geçirip, baýragy Wissam Ben Ýedder bilen paýlaşypdy.
