“Liwerpul” bilen şertnamasy tamamlanan niderland futbolçy Jorjinio Weýnaldum Fransiýanyň PSŽ toparynyň düzümine goşuldy. 30 ýaşyndaky ýarymgoragçynyň “Barselona” bilen hem içgin gyzyklanýardy we tasdanam katalonlar ony transfer edipdi. Weýnaldum parižliler bilen 2024-nji ýylyň 30-njy iýunyna çenli şertnama baglaşdy. Karýerasy boýunça “Feýenoord”, PSW, “Nýukasl” toparlarynda oýnan Weýnaldum 2016-njy ýylda “Liwerpula” transfer bolupdy. Iňlis klubunda ol “Premier Ligada”, Çempionlar ligasynda çempionlyk gazandy.
