Futbol janköýerlerini köp garaşdyran baýramçylyga, 16-njy Ýewropa çempionatyna düýn Rimde badalga berildi. Çempionatyň ilkinji duşuşygynda Türkiýe bilen Italiýanyň ýygyndylary duşuşdylar. Tutuşlygynda diýen ýaly italýanlaryň kontrollygynda geçen oýunda 3-0 hasabynda tamamlandy. Birinji ýayrmy golusz geçen oýunda Italiýanyň ýygyndysyna ýeňiş getiren 53-nji minutda Merih Demiral (öz derwezesinden), 66-njy minutda Çiro Immobile hem-de 79-njy minutda Lorenzo Insinýe derwezä girizdi. Şunlukda, 3-0 hasabynda Italiýanyň ýygyndysy çempionata ynamly başlady. Duşuşygyň ýyldyzy diýlip Leonardo Spinazzola saýlandy.
SANLAR, HASABATLAR
* Italiýanyň ýygyndysy ilkinji gezek Ýewropa çempionatynyň bir duşuşygynda 3 gol geçirdi.
* Italiýanyň ýygyndysy çempionatyň çäginde 39-njy oýnunda 17-nji ýeňşini gazandy.
* Italiýanyň ýygyndysy soňky gezek 2018-nji ýylyň sentýabrynda ýeňlip, olaryň ýeňilmezekligi 28 oýna çykdy (23 ýeňiş, 5 deňlik).
* Italiýanyň ýygyndysy yzly-yzyna 9-njy ýeňşini gazanyp, bu görkeziji toparyň taryhynda ilkinji gezek hasaba alynýar.
* Merih Demiralyň geçiren goly çempionatyň çäginde öz derwezesinden girizilen 10-njy gol boldy.
* Italiýanyň ýygyndysy Türkiýäniň ýygyndysyna özara 11-nji duşuşykda-da ýeňilmedi (8 ýeňiş, 3 deňlik).
* Türkiýäniň ýygyndy soňky 21 oýunda 3-nji gezek utuldy.
* Türkiýäniň ýygyndysy 5-nji gezek gatnaşýan çempionatynda birinji duşuşyklarynda ählisinde-de ýeňlişe sezewar boldy.
* Fransiýaly Stefanie Frappar duşuşygyň 4-nji emini bolup, ol Ýewropa çempionatyndaky ilkinji zenan hökmünde hasaba alyndy.
