Dünýäniň iň sowuk paýtagtlarynyň sanawynda öňdäki orunlary eýeleýän Moskwada iň yssy gün hasaba alyndy. Şu hepdäniň duşenbe güni şäherdäki termometrler 34,7 derejäni görkezip, 1901-nji ýyldan soňky, iýun aýyndaky iň yssy gün boldy. Russiýanyň paýtagtynda geljekki günlerde howanyň has gyzmagyna garaşylýar. Ýurduň meteorologiýa gullugy “Rosgidromet” yssy howanyň global maýylganlyk bilen baglydygyny mälim etdi. Edara 1881-nji ýyldan bäri howa maglumatynyň hasabyny ýöredýär. Hepdäniň penşenbe we anna günleri howanyň 35 derejeden hem ýokary bolmagyna garaşylýar.
Şäherde iň yssy howa 2010-njy ýylyň iýul aýynda hasaba alnypdyr. Şol aýda günbatardan ýyly howa akymynyň gelmegi we tokaý ýangynlarynyň ýüze çykmagy şäheriň howasyny 38 derejä çenli çykarypdyr.
Sankt-Peterburgda hem ýagdaý şeýle
Moskwanyň 600 kilometre demirgazyk-günbataryndaky Sankt-Peterburg şäherinde hem howa gyzýar. Şäherdäki howanyň ýylylygy 1998-nji ýyldan soňra ilkinji gezek 34 derejeden ýokary çykdy.
