Ozalky tälimçisi Karlo Ançelottini “Real Madride” ugradan iňlis topary “Ewertonyň” täze tälimçisi resmi ýagdaýda mälim edildi. Liwerpul şäheriniň wekili ispaniýaly 61 ýaşyndaky Rafael Benites bilen 3 ýyllyk şertnama baglaşdy. Soňky sapar Hytaýyň “Dalian Ifan” toparyna tälim beren Benites 2004-2010-njy ýyllar aralygynda “Ewertonyň” köneden gelýän, gadym bäsdeşi “Liwerpulyň” tälimçisi bolupdy. “Liwerpully” janköýerleriniň nägiledigine garamazdan, “Ewerton” bilen şertnama baglaşan Benites “Liwerpul” toparyna Çempionlar ligasynyň kubogyny gazandyrypdy. Benites karýerasy boýunça “Walensiýa”, “Napoli”, “Real Madrid” ýaly klublara-da tälim beripdi.
