Berkarar döwletimiziň bagtyýarlyk döwründe hormatly Prezidentimiziň parasatly baştutanlygynda Garaşsyz, hemişelik Bitarap Türkmenistan günsaýyn ösýär hem-de özgerýär, medeni mirasymyzyň has-da ösdürilmegine aýratyn orun berilýär.

Mil­li el iş­le­ri­mi­ziň dö­re­ýiş kök­le­ri mil­le­ti­mi­ziň uzak geç­mi­şi­niň şöh­rat­ly sa­hy­pa­la­ry­na si­ňip gid­ýär. Şo­ňa gö­rä-de, ol hal­ky­my­zyň ta­ry­hy­nyň, me­de­ni­ýe­ti­niň se­net­çi­lik baý­ly­gy­nyň aý­ryl­maz bö­le­gi­dir. El iş­le­ri­niň, keş­de­le­riň, göl­dür na­gyş­la­ryň her bi­ri­niň maz­mu­nyn­da mil­le­ti­mi­ziň ru­hy dün­ýä­si öz aý­dyň­ly­gy bi­len açyl­ýar. Aý­ra­tyn hem ge­lin-gyz­la­ryň mil­li egin-eşik­le­ri bo­lan kür­te, ça­byt, çyr­py, beg­res don, ke­te­ni köý­nek­ler, düýp­li gy­ňaç, gül­tah­ýa, gül­li gonç­ly jo­rap­lar şu gün­ki gü­ne çen­li özü­niň ga­dyr-gym­ma­ty­ny ýi­tir­män gel­ýär. Ola­ryň her­si­niň öz­bo­luş­ly äh­mi­ýe­ti bar.
Türk­men ze­nan­la­ry­nyň ýe­ri­ne ýe­tir­ýän örän köp gör­nüş­li el iş­le­ri taý­ýar­la­nan­da, şol san­da kür­te be­je­ri­len­de, ola­ryň bi­ri-bi­rin­den üýt­ge­şik owa­dan na­gyş­la­ryn­da, göl­le­rin­de dur­mu­şyň gö­nez­li­gi, Ze­mi­niň abat­ly­gy, ebe­di ýa­şaý­şyň ugur­la­ry, dost-do­gan­lyk gat­na­şyk­la­ry, ag­zy­bir­lik, zäh­met­sö­ýer­lik, baş­lan işi­ňi ab­raý bi­len ta­mam­la­mak ýa­ly çuň­ňur maz­mun­ly dü­şün­je­ler be­ýan edil­ýär.
Mäh­ri­ban ene­le­ri­mi­ziň, ge­lin-gyz­la­ry­my­zyň el iş­le­rin­de be­ýan edil­ýän bu aja­ýyp dü­şün­je­ler ösüp gel­ýän ne­sil­le­ri, esa­san-da, gel­je­gi­miz bo­lan ýaş gyz­la­ry ter­bi­ýe­le­mek­de, olar­da zäh­met en­di­gi­ni ke­ma­la ge­tir­mek­de, edep-ter­bi­ýä­ni, maş­ga­la oja­gy­na, ata-enä we­pa­ly bol­mak hä­si­ýet­le­ri­ni ös­dür­mek­de mö­hüm ter­bi­ýe­çi­lik äh­mi­ýe­ti­ne eýe­dir. Bu bol­sa be­lent adam­kär­çi­lik hä­si­ýet­le­ri­ni hem özün­de jem­le­ýär. Mu­nuň özi be­lent yn­san­per­wer­li­giň, ah­lak ka­da­la­ry­na eýer­me­giň aja­ýyp nus­ga­sy­dyr.
Gah­ry­man Ar­ka­da­gy­myz eli çe­per ze­nan­la­ry­my­zyň zäh­me­ti­ne aý­ra­tyn sar­pa goý­ýar. El hü­nä­ri­niň el­den-ele, ne­sil­den-nes­le geç­me­gi, kä­mil­leş­di­ri­lip, döw­re­bap de­re­je­de ös­dü­ril­me­gi ba­bat­da äh­li amat­lyk­la­ry dö­red­ilýär. Hormatly Prezidentimiziň ta­gal­la­sy bi­len paý­tag­ty­myz­da we ýur­du­my­zyň we­la­ýat­la­ryn­da hu­su­sy eýe­çi­lik­de ti­kin­çi­lik iş­le­ri­ni ýö­red­ýän kär­ha­na­lar açy­lyp, olar­da zäh­met çek­ýän ge­lin-gyz­lar ene-ma­ma­la­ry­my­zyň el hü­nä­ri­ni us­sat­lyk bi­len do­wam et­dir­ýär­ler.
Däp-des­sur­la­ry öw­ren­mek hem-de jem­gy­ýe­tiň be­lent ah­lak ýö­rel­ge­le­ri­ne eýer­mek ösüp gel­ýän ýaş nes­li wa­tan­çy­lyk hem-de asyr­la­ryň do­wa­myn­da ke­ma­la ge­len ah­lak gym­mat­lyk­la­ry esa­syn­da ter­bi­ýe­le­mek­de ägirt uly äh­mi­ýe­te eýe­dir.
Hor­mat­ly Pre­zi­den­ti­mi­ziň mäh­ri­ban kä­be­si Ogu­la­bat ejä­niň mun­dan ýa­rym asyr öň, ýag­ny 1971-nji ýyl­da sün­nä­läp be­je­ren kür­te­si Türk­me­nis­ta­nyň Döw­let me­de­ni­ýet mer­ke­zi­niň Döw­let mu­ze­ýi­ne gow­şu­ryl­dy. Bu kür­te «gy­ýak», «ok­gö­zi», «iç­ýan agyz», «ta­zy guý­ruk» na­gyş­la­ry bi­len be­ze­lip­dir. Ara­ger­bi­si ala­ja dü­ýe ýüň bi­len örü­lip, mer­ke­zin­de ça­ty­lyp­dyr. Aja­ýyp kür­tä­niň na­gyş­dyr keş­de­le­ri­niň her bi­rin­de Ogulabat ejä­niň ar­zuw-is­leg­le­ri, pi­kir-ga­ra­ýyş­la­ry, ýü­rek söz­le­ri, ýag­şy di­leg-do­ga­la­ry sun­ga­tyň üs­ti bi­len be­ýan edil­ýär. Eli hü­när­li Ogu­la­bat eje mil­le­tiň me­de­ni ýol-ýö­rel­ge­si­ni do­wam ed­ýän, ony has kä­mil­leş­dir­mä­ge ym­tyl­ýan ge­lin-gyz­la­ry­myz üçin uly gö­rel­de mek­de­bi­dir, ýa­şaý­şy­my­zyň ru­hy sü­tü­ni­dir.
Bu gym­mat­ly eser hal­ky­my­zyň asyr­lar aşyp gel­ýän ýag­şy des­sur­la­ry­ny, türk­men hal­ky­nyň dö­re­den mil­li ýö­rel­ge­le­ri­ni, aý­ra­tyn-da, ge­lin-gyz­la­ry­my­zyň edep-ek­ra­my­ny, zäh­met ter­bi­ýe­si­ni, ukyp-ba­şar­ny­gy­ny özün­de jem­läp, gel­jek­ki ne­sil­le­ri­mi­ze gal­jak nus­ga­lyk ba­ky mi­ra­sa öw­rü­ler. Bu kür­tä­niň mu­ze­ýe gow­şu­ryl­ma­gy hal­ky­my­zyň me­de­ni ha­zy­na­sy­nyň ös­me­gi­ne uly go­şan­dy aň­la­dyp, türk­men hal­ky­nyň ru­hy mi­ra­sy­nyň giň­den wa­gyz edil­me­gi­ne hyz­mat ed­ýär.

Nar­täç Ber­di­ýe­wa,
Türk­me­nis­ta­nyň «Daý­han­bank» döw­let tä­jir­çi­lik ban­ky­nyň
Buh­gal­ter ha­sa­by we ha­sa­ba­ty mü­dir­li­gi­niň baş hü­när­me­ni.

Gyzykly bolup bilerЕЩЕ ОТ АВТОРА