Halkara Olimpiýa Komiteti 2032-nji ýylda geçiriljek XXXV tomusky Olimpiýa oýunlarynyň Awstraliýanyň Brisben şäherinde guraljakdygyny resmi ýagdaýda habar berdi. HOK-yň dolandyryş geňeşiniň bir agyzdan alan karary boýunça 2032-nji ýyldaky tomusky Olimpiýa hem-de Paralimpiýa oýunlarynyň Brisben şäherinde geçiriljekdigi mälim edildi. Şunlukda Awstraliýa ABŞ, Beýik Britaniýa we Fransiýadan soň Olimpiýa oýunlaryny 3 gezek guran 3-nji ýurt bolar. Mundan öň tomusky Olimpiýa oýunlary 1956-njy ýylda Melburn, 2000-nji ýylda Sidneý şäherlerinde geçirilipdi. Şeýle-de tomusky Olimpiýa oýunlary 2024-nji ýylda Parižde, 2028-nji ýylda-da Los Anjelesde geçiriler.
