Messini PSŽ toparyna ugradan Barselona La Liganyň täze möwsümine şowly başlady. Messisiz öz meýdançasynda Real Sosiedady 4-2 hasabynda ýeňen katalonlaryň gollaryny 19-njy minutda Žerar Pike, 45+2-nji we 59-njy minutlarda Martin Breýtwaýt hem-de 90+2-nji minutda Serhio Roberto derwezä girizdi. 82-nji minutda Lobeteniň, 85-nji minutda-da Oýarzabalyň gollary bilen hasaby 3-2-ä ýetirip, umytlanan Real Sosiedada bu gollar ýeňiş üçin ýeterlik bolmady. Şeýlelikde, Barselona resmi ýagdaýda Messisiz geçiren ilkinji oýnunda 4 golly ýeňiş gazanyp, täze möwsüme şowly başlady.
La Ligada täze möwsümiň ilkinji tapgyrynda Real Madrid Benzemanyň 2 gol geçiren oýnunda myhmançylykda Alawesi 4-1, şeýle-de soňky çempion Atletiko Madrid hem myhmançykda Korreanyň gollary bilen Seltany 2-1 utdy.
