Real Madrid topary PSŽ-niň fransiýaly ýyldyzy Kilian Mbappeniň transferini goýbolsun etdi. Parižlileriň yzygiderli baha galdyrmagyndan soň, transfer häzirlikçe ýatyryldy. Mbappeniň PSŽ bilen geljek tomusda şertnamasy tamamlanýar. Parižliler bir ýyllyk döwürde Mbappeni täze şertnama meselesinde yryp bilmeseler, onda geljegiň super ýyldyzy hökmünde görülýän futbolçy tölegsiz transfer bolar.
Soňky 10 günüň dowamynda Real Madrid 203 gezek teklip bilen PSŽ-niň gapysyny kakdy. Ilki 160 million ýewro, soňra 170 million ýewro teklip eden Reala PSŽ ilki 200, soňra 220 million ýewro getir diýip jogap berdi. Netijede, Real Mbappeden azyndan bir möwsümlik ýüz öwürdi.
Madridliler Renn toparynyň 19 ýaşly ýarymgoragçysy Kamawingany transfer etmäge golaý.
