Indoneziýanyň Bengkulu şäherinde bir öýüň howlusynda örän seýrek duş gelýän gül açyldy. Ylmy ady “Rafflesia arnoldii” atly ösümligiň güli ýylda bir gezek açylýar. Açylan gülüň diametri 1 metre golaý bolýar. Ösümlik hasap edilýändigine garamazdan, fotosintez hadysasyny amala aşyrmaýan, köki we ýapragy hem bolmadyk “Rafflesia arnoldii” dünýäniň iň uly güli hasaplanýar.
Açylan wagty ýaýradýan ysy siňekleri we beýleki mör-möjekleri özüne çekýär. Şeýlelikde mör-möjekler gülüň tozgalanmagyna ýardam edýär. Günorta-gündogar Aziýa ýurtlarynda bitýän bu ösümlik Indoneziýada ak jasmin hem-de Aý orhideýasy bilen bilelikde üç sany milli simwolyň biri hasaplanýar.
