Albaniýanyň Premýer-ministri Edi Rama 2-nji sentýabrda ýurduň täze hökümetiniň düzülendigini mälim etdi. Bu barada demirgazyk Makedoniýanyň “Kurir” portaly mälim etdi.
Portalyň maglumatlaryna görä, 16 ministrden 12-si zenanlardan ybaratdyr. Hökümetiň düzüminde ýaňy-ýakynda pensiýa çykan Erion Braçeniň ýerine Arben Ahmetaý Premýer-ministriň orunbasary wezipesini eýeledi. Ýewropa we daşary işler ministri Olta Jaçka, saglygy goraýyş we jemgyýetçilik goragy ministri Ogerta Manastirlu, infrastruktura ministri Belinda Baluku, goranmak ministri Niko Peleşini, içeri işler ministri Blend Çuçi, medeniýet ministri Elwa Margariti we bilim ministri Awis Kuşi dagy Ministrler Kabinetindäki borçlaryny ýerine ýetirerler. Şeýle-de, adalat ministrligine Ulsi Manýa, maliýe ministrligine Melinda Ibraihimi, oba hojalygy ministrligine Frida Krifsa we syýahatçyly ministrligine Mirela Kumbaro ýolbaşçylyk eder.
Albaniýa Respublikasy Balkan ýarym adasynyň günbatar böleginde ýerleşýär. Albaniýanyň Statistika institutynyň maglumatlaryna görä, ýurtda 2 876 591 adam ýaşap, meýdany 28 748 km²-e deňdir.
