Katar 2022 Dünýä Kubogynyň saýlama tapgyrynyň Ýewropa zolagynyň “C” toparçasynda Ýewropa çempionatynyň ýeňijisi Italiýa öz meýdançasynda Bolgariýa bilen duşuşdy. 16-njy minutda Federika Kieza Italiýany öňe saýlasa-da, üstünligi saklamak olara başartmady. 40-njy minutda garşylyklaýyn hüjümde Iliýew hasaby deňledi. Ikinji ýarymda oýnuň kontrollygy italýanlarda bolsa, olar bolgarlaryň goragyny geçmek başartmady. Netijede, duşuşyk 1-1 deňlikde tamamlandy. Soňky 3 duşuşygy esasy wagty 1-1 deňlikde gutaran Italiýanyň ýygyndysy yzly-yzyna 35 duşuşykda ýeňilmän, Braziliýadyr (1993–1996) Ispaniýanyň (2007–2009) 35 oýunlyk ýeňilmezeklik rekordyna şärik boldy. Italýanlar 5-nji sentýabrdaky myhmançylykda Şweýsariýa bilen boljak duşuşykda ýeňilmedik ýagdaýynda rekordy öz atlaryna geçirerler.
