Halkara kosmos bekedinde işleýän amerikan astronawty Megan MakArtur synag maksady bilen ekilen burçuň gül açandygyny mälim etdi. MakArtur burçuň geljek hepde düwjekdigini belledi. Çilide ösdürilip ýetişdirilýän bu ösümlik häzirki wagtda Halkara kosmos bekediniň laboratoriýasynda tejribe maksady bilen ekilipdir.
MakArtur – Bu ösümlikleri Halkara kosmos bekediniň taýy bolmadyk şertlerinde ösdürip ýetişdirmegi öwrenmek, geljekdäki planeta missiýalarynda astronawtlaryň öz iýmitiniň käbirini ýetişdirmeklerini üpjün eder – diýip belledi.
Kosmos stansiýasynda ösümlikleriň ösdürip ýetişdirmek bilen bagly taslama geljek ýylyň martyna çenli dowam eder. Taslamanyň çäklerinde “New Mexico Hatch Green” atly Çilä mahsus sort ekilipdir.
Näme üçin burç ekilipdir?
NASA kosmosda grawitasiýanyň örän az bolan ýerinde burçuň saýlanandygyny, sebäbi, burçuň C witaminine baýdygyny, onuň şinelemeginiň, ulalmagynyň we düwmeginiň köp wagt alýandygyny, kosmosda ýetişdirilip bilinjek beýleki ösümliklerden has kyndygyny belledi.
Ýeri gelende bellesek, Halkara kosmos stansiýasynda mundan ozal hem birnäçe ösümlikler ekilip, olaryň fotosintez etmegi üpjün edildi.
