Katar 2022 Dünýä Kubogynyň saýlama tapgyrynyň çäklerinde UEFA zolagynda “F” toparçada Daniýanyň şemaly belentden öwüsýär. EURO 2020-niň ýarym finalçysy başarnykly ýörişini dowam etdirýärler. Öz meýdançasynda Şotlandiýany Daniel Wass hem-de Ýoakim Maeleniň gollary bilen 2-0 ýeňen datçanlar myhmançylykda Farer adalaryny-da 1-0 hasap bilen utdular. Bu duşuşykda olara ýeňiş getiren ýeke-täk goly 85-nji minutda Ýonas Wind öz adyna ýazdyrdy. Daniýanyň ýygyndysy toparçadaky 6-njy oýnunda Ysraýyl bilen duşuşyp, olaryň derwezesinden jogapsyz 6 gol girizdiler. Gollary Poulsen, Kýer, Skow Olsen, Delani hem-de Kornelius derwezä gönükdirdiler. Şeýlelikde, Daniýanyň ýygyndysy “E” toparçada 6 oýunda ýeke gol geçirtmezden, 22 gol geçirip, 18 utuk bilen 1-nji orunda barýar. Olaryň oktýabr aýynda Dünýä Kubogyna gatnaşmak hukugyna eýe bolmaklaryna garaşylýar.
