Italiýanyň çempionaty Serie A-da Milan öz meýdançasynda paýtagtyň Lasio toparyny Rafael Leao hem-de Zlatan Ibrahimowiçiň gollary bilen 2-0 ýeňdi. Bu ýeňişden soň Milan 2-nji orna çykdy. Paýtagtyň beýleki kluby Roma öz meýdançasynda Sassuolo bilen duşuşdy. Bu duşuşyk Žoze Mourinionyň tälimçilik karýerasyndaky 1000-nji duşuşygy hökmünde hasaba alyndy. Roma topary El Şaarawiniň 90+1-nji minutdaky owadan goly bilen 2-1 hasabynda ýeňiş gazandy (Kristante 37, El Şaarawi 90+1 – Džuriçiç 57). Mourinio şol 1000 duşuşykda 639 gezek ýeňiş gazanyp, 162 oýunda ýeňildi (198 deňlik). Soňky çempion Inter myhmançylykda Sampdoriýa bilen 2-2 deňme-deň oýnady.
