“C” toparçada myhmançylykdaky toparlar ýeňiş gazanyp, Borussiýa Dortmund Stambulda ýerli Beşiktaşdan 2-1 üstün çykdy. Nemes klubuna ýeňiş getiren gollary Bellingam bilen Holann derwezä girizdi. Bellingam Çempionlar ligasynda yzly-yzyna 2 duşuşykda tapawutlanan iň ýaş futbolçy bolup, o, bu babatda Mbappeniň rekordyny täzeledi. Türk klubunyň ýeke-täk goluny-da 90+4-nji minutda Hawier Montero öz adyna ýazdyrdy.
Lissabondaky oýunda Aýaks ýerli Sporting toparyndan 5-1 üstün çykdy. Duşuşykda 2-nji, 9-njy, 51-nji we 63-nji minutlarda tapawutlanan fransiýaly Sebastian Haller gollandiýaly meşhur hüjümçi Marko Wan Bastenden soň ÇL-däki ilkinji duşuşygynda 4 gol geçiren 2-nji futbolçy hökmünde taryha girdi. Wan Basten 1992-nji ýylda Milanyň şwed kluby Gýoteborgy ýeňen duşuşygynda 4 gol geçiripdi.
