Angliýanyň meşhur futbolçy, dünýä ýyldyzy Dewid Bekhamyň ogly Romeo kakasynyň kärini dowam etdirýär. 19 ýaşyndaky Romeo professional karýerasyndaky ilkinji duşuşygyny geçirdi. ABŞ-nyň 3-nji ligasynyň wekili Fort Lauderdeýl toparynda çykyş edýän Romeo Bekham klubunyň Saut Jorjia Tormenta topary bilen geçiren oýnunda 79 minutlap oýnady. Esasy düzümde başlan Romeo şowly oýun görkezdi. Duşuşyk 2-2 hasabynda deňlikde tamamlandy. Kakasy ýag sagy gyrada, winger bolup oýnaýan Romeo duşuşykdan soň: Ilkinji professional duşuşygymy geçirenimi üçin örän şat. Ikinjisine sabyrsyzlyk bilen garaşýaryn” diýdi. Fort Lauderdeýl topary Bekhamyň ABŞ-nyň ýokary ligasy MLS-däki eýeçilik edýän Inter Maýami klubunyň rezerw toparydyr.
