Günorta Amerikanyň ýa-da CONMEBOL-yň Çempionlar ligasy bolan Libertadores Kubogynda finala çykan klublar belli boldy. Yklymyň iň uly klub bäsleşiginiň finalynda iki brazil topary, Libertadores Kubogynyň soňky 2 ýylynyň çempionlary – Flamengo bilen Palmeiras toparlary duşuşarlar. Flamengo topary ýarym finalda Ekwadoryň Barselona toparyny 2-0 hasabynda ýeňdi. Brazil toparyna ýeňiş getiren gollary 18-nji we 50-nji minutlarda Bruno Henrike derwezä girizdi. Flamengo ýerde-de 2-0 hasaplar bilen ýeňlişe sezewar etdi.
Palmeiras bolsa başga bir brazil topary Atletiko Mineirodan 0-0 we 1-1 hasaplar boýunça üstün çykdy.
Palmeiras 6-njy, Flamengo 3-nji gezek finalda oýnar. Soňky çempion Palmeiras 1999-njy we 2020-nji ýyllarda kubogy eýeläp, 1961-nji, 1968-nji we 2000-nji ýyllarda finalda ýeňlipdi. Flamengo bolsa 1981-nji we 2019-njy ýyllarda kuboga mynasyp bolupdy.
62-nji gezek geçirilýän Libertadores Kubogynyň finaly şu ýylyň 27-nji noýabrynda Urugwaýyň paýtagty Montewideodaky “Estadio Centenario”-da oýnalar.
