“Microsoft” kompaniýasy “Windows” amaly ulgamynyň 11-nji nusgasyny ulanyjylar üçin elýeterli edildi. Täze nusga geçmek üçin “Windows” täzelenmesi arkaly elýeterli bolýança garaşyp bilersiňiz. Kompýuteriňiz ähli talaplara laýyk gelýän bolsa, geljekki birnäçe günüň dowamynda täzelenmek üçin size teklip geler. “Windows 11” gurmak üçin kompýuteriňiziň aşakdaky aýratynlyklary bolmagy zerurdyr:
Prosessor: Utgaşykly 64 bitli prosessorda sagat tizligi azyndan 1 GGs bolan, azyndan iki ýadro ýa-da çipdäki ulgam (SoC)
Wagtlaýyn ýat: 4 GB
Hemişelik ýat: 64 GB
Ekran: 9 dýuýmdan ýokary HD displeý (720p), her reňk kanaly üçin 8 bit
Howpsuzlyk: TPM 2.0 / UEFI ygtybarly boot
Internet: zerur
Wideo adapter: “DirectX 12” ýa-da WDDM 2.0 draýwerine gabat gelmeli.
Bit OS: diňe 64 bit
Şeýle hem, häzirki enjamyňyz “Microsoft PC Health Check” programmasyny ulanyp, “Windows 11”-i goldaýandygyny ýa-da ýokdugyny barlap bilersiňiz. Ulgam talaplary barada has giňişleýin maglumat kompaniýanyň resmi saýtynda beýan edilýär.
