Nobeliň jemleýji baýragy – ykdysadyýet baýagyna üç adama mynasyp boldy. Kanada-amerikan ykdysatçysy Dewid Kard, amerikan ykdysatçy Joşua Dewid Angrist hem-de niderland-amerikan Gwido Imbens baýragy öz aralarynda paýlaşar.
Baýragyň ýarysy Dawid Karda, beýleki ýarysy Angrist bilen Imbensiň arasynda paýlanar.
Kanadada dünýä inen Kard “Işçi güýji ykdysadyýetine empiriki (tejribä daýanýar) goşandy sebäpli” bu baýraga mynasyp görüldi. Angrist we Imbens bolsa, “sebäp gatnaşyklaryny seljermekde usulyýet goşantlary üçin” bu baýragyň beýleki ýarysyny alarlar.
Üç alyma Şwesiýanyň Patyşalyk Ylymlar Akademiýasy tarapyndan jemi 10 million şwed krony (1,14 million dollar töweregi) berler.
Nobeliň 2021-nji ýyldaky baýraklary 4-nji oktýabrda mälim edilip başlandy.
Bilýärmisiňiz?
Nobeliň ykdysadyýet baýragy (resmi ady: Alfred Nobeliň hatyrasyna Şwesiýanyň Merkezi bankynyň ykdysady ylymlar boýunça baýragy) 1969-njy ýyldan bäri gowşurylýar. Bu baýragy Alfred Nobel wesýet etmändir. Şeýle-de bolsa, ýurduň merkezi bankynyň esaslandyrylmagynyň 300 ýyllygynyň hatyrasyna şeýle baýrak döredilipdir.
Nobeliň ykdysadyýet baýragy 2021-nji ýyla çenli 53 gezek yglan edildi.
Bu baýrak 8 gezek üç laureata gowşuryldy.
Ykdysadyýet baýragyna häzire çenli 2 zenan mynasyp boldy – 2009-njy ýylda Elinor Ostrom we 2019-njy ýylda 2009 Ester Dýuflo.
Fransiýada dünýä inen Dýuflo 46 ýaşyndaka bu baýraga mynasyp bolýar. Dýuflo ykdysadyýet baýragyna mynasyp bolan iň ýaş laureatdyr. ABŞ-nyň hem raýaty bolan Dýuflo 1990-njy ýyllarda Moskwada ýaşaýar.
Leonid Gurwiç bu baýraga mynasyp bolan iň garry laureatdyr. 1917-nji ýylda Moskwada polýak maşgalasynda dünýä inen Gurwiç 2007-nji ýylda 90 ýaşyndaka bu baýraga mynasyp görülýär.
