Häzirki wagtda depeni gol bolýan ýyldyz futbolçy Mohamed Salah kluby Liwerpulyň taryhy ýeňişler gazanmagynda esasy roly oýnaýar. Müsürli hüjümçi şu möwsümde 12 oýunda 15 gol we 15 asistlik netijeler bilen çykyş edip gelýär. 29 ýaşyndaky futbolçynyň Liwerpul bilen şertnamasynyň tamamlanmagyna ýene-de 1,5 ýyla golaý wagt bar. Ýagny 2023-nji ýylda tamamlanýar. Ýöne kluby-da beýleki toparlaryň oýunçysyny isleýändigini nazarda tutup, şol sanda-da futbolçynyň özi-de şertnamany gowulandyrylan ýagdaýda täzelemek isleýär. Köp wagtdan bäri iňlis metbugatynyň üns merkezinde bolan bu şertnamanyň aýratynlyklaryny Football Insider äşgär etdi. Häzirki wagtda klubunda ýyllyk 10,5 million funt sterling hak alýan Salah onuň 3 essä golaý artdyrylmagyny isleýär. Başgaça aýdylanda, ol klubundan ýyllyk 26 million funt (30 million ýewro) sterling hak talap edýär. Bu bolsa hepdelik 500 müň, gündelik 71 müň funt sterlinge (85 müň ýewro) diýmekdir.
Öňümizdäki günlerde şertnamanyň täzelenmegine garaşylýar.
