Angliýanyň Premier Ligasynda şu möwsümde eýýäm 3-nji tälimçi wezipesinden boşadyldy. Tottenham Hotspur topary iýun aýynyň ahyrynda şertnama baglaşan tälimçisi Nuno Espirito Santony topardan ugratdy. Möwsüme 3 ýeňiş bilen başlan topar soňlugy bilen yzygiderli netije görkezip bilmedi. 10 oýunda 5 ýeňiş gazanyp, 5 gezek hem utulan toparyň ýolbaşçylary klubuň Mançester Ýunaýtedden 3-0 utulmagyndan soň, tälimçini wezipesinden boşatdylar. Tälimçiniň wezipeden boşadylmagynda soňky oýunda janköýerleriň bildiren nägilelikleriniň täsiriniň bardygy hem bellenilýär.
Mundan soň Tottenhamyň tälimçiligine häzirki wagtda Portonyň tälimçisi bolan Serhio Konseýsaonyň ýa-da işsiz Antonio Konteniň bellenmegi mümkin diýip, iňlis metbugatynda habar berilýär.
