PSŽ toparynyň ýyldyz futbolçysy Lionel Messi Maýamidäki kaşaň öýüni 7 million dollara satmakçy bolýar. 34 ýaşly argentinaly futbolçy “Porsche Design” rezidensiýasyndaky iki sany owadan jaýyny 2015-nji ýylda 5 million dollara satyn alypdy. Parižde ýaşaýan Messi bu jaýy satyn alaly bäri ulanmady. Ýyldyz futbolçy geçen ýylyň aprelinde bu jaýyň gapdalynda 7,3 million dollara başga bir kaşaň jaý satyn alypdy. Meşhur futbolçynyň satuwa çykaran kaşaň jaýynda dört sany ýatylýan otag we bäş sany hammam bar. Meýdany 300 inedördül metrlik jaýyň äpet penjirelerinden bolsa, ummana syn edip bolýar. Jaýyň içinde awtoulag üçin iki sany lift bar. Akylly öý ulgamy bolan bu emläk howuz, sport otagy we kinoteatry hem öz içine alýar. Kaşaň jaýda wirtual oýun otagy, dellekhana we hususy restoran bar.
Ine, Messiniň satmak üçin goýan Maýamidäki öýünden suratlar…
