Italiýanyň çempionatynda tapgyryň merkezi oýny Milan derbisi bolup, Milan bilen Inter San Siroda duşuşdy. Dartgynly geçen oýun 1-1 deňlikde tamamlandy. Oýnuň 11-nji minutynda Milanyň ozalky futbolçysy Hakan Çalhanoglu penaltiden Interi öňe saýlady. Milanyň jogap goly gijikmedi. Oýnuň 17-nji minutynda Stefan De Wreý ýalňyşlyk bilen topy öz derwezesinden geçirdi. Duşuşygyň 27-nji minutda Lautara Martinesiň uran penalti urgusyny Milanyň derwezesiçisi Tataruşanu saklamagy başardy. Ikinji ýarymyň başynda Inter, soňlarynda-da Milan birnäçäe howply pursatlar döretse-de hasap üýtgemedi. Şeýlelikde, Milan 1-1 deňme-deň oýnap, ýeňlişsiz ýörişini dowam etdirdi we Inter bilen arasyndaky 7 utuklyk aratapawudy saklady. Milan Serie A-da 17 oýundan bäri ýeňilmän gelýär. Şu möwsümde 12 duşuşykda 2 gezek deňme-deň oýnap, 10 gezek ýeňiş gazanan Milan 32 utuk toplady. Milan taryhynda ilkinji gezek 12 oýunda 32 utuk toplamagy başardy (3 utukly döwür başlaly bäri).
