Ýewropa Bileleşigi (ÝB) Ukrainany we Singapury koronawirus sebäpli syýahat çäklendirmelerinden boşadylan ýurtlaryň sanawyndan aýyrdy. Täzelenen sanawa görä, ÝB ýurtlary Argentina, Awstraliýa, Bahreýn, Kanada, Çili, Kolumbiýa, Iordaniýa, Kuweýt, Namibiýa, Täze Zelandiýa, Peru, Katar, Ruanda, Saud Arabystany, Günorta Koreýa, Urugwaý, Birleşen Arap Emirlikler ýurtlaryna syýahat çäklendirmelerini aýryp bilerler. Sanawa, ýagny täze ýurt goşulmady. Sanaw iki hepdeden bir gezek täzelenýär. Sanawdaky ýurtlaryň raýatlaryna Ýewropa syýahat etmäge rugsat berilse-de, ýolagçylara synag we karantin ýaly käbir goşmaça çäreler girizilip bilinýär. Bu sanawda ýok ýurtlara syýahat çäklendirmeleri dowam edýär. ÝB 2020-nji ýylyň martynda epidemiýanyň ýaýramagynyň öňüni almak üçin möhüm däl syýahatçylyga çäklendirme girizmek kararyna gelipdi.
