Italiýanyň çempionatynda 13-nji tapgyrda diňe bir Serie A-da däl, eýsem Ýewropanyň TOP 5 çempionatynyň ýeňlişsiz iki topary hem utuldy. Şeýlelikde, TOP 5 çempionatda ýeňlişsiz topar galmady. Ikinji hatarda barýan Milan myhmançylykda Fiorentina bilen duşuşyp, 4-3 hasabynda asgyn geldi. Fiorentinanyň gollaryny Dunkan, Saponara hem-de Wlahowiç (2), Milanyň gollaryny-da Ibrahimowiç (2) bilen Wenuti (ö.d.) geçirdi. Milan Serie A-da 17 oýundan soň ilkinji gezek ýeňildi. Fiorentina Milany 2015-nji ýyldan soň ilkinji sapar öz meýdançasynda ýeňmegi başardy.
Edil şonuň ýaly sanawyň lideri Napoli hem myhmançylykda Inter bilen duşuşyp, Spallettiniň şägirtleri güýçli garşydaşyndan 3-2 asgyn geldi. Oýunda Interiň adyndan Çalhanoglu (p), Perişiç hem-de Martines, Napoliň adyndan Zelinski bilen Mertens tapawutlandy. Şu möwsümde ilkinji ýola utulan Napoli Serie A-da 21 oýundan soň birinji gezek ýeňlişe sezewar boldy.
ŞEWÇENKO ÝEŇLIŞ BILEN BAŞLADY
Serie A-da Ýuwentus myhmançylykda Lasiony Bonuççiniň penaltiden geçiren gollary bil
en 2-0 ýeňdi. Atalantanyň Spesiýany 5-2 ýeňen tapgyrynda Roma myhmançylykda Şewçenkonyň ilkinji duşuşygynda Jenoany 2-0 utdy. Rimlilere ýeňiş getiren iki goly-da oýna 75-nji minutda girip, 82-nji we 90+4-nji minutlarda tapawutlanan 18 ýaşly Afena-Gýan geçirdi.
