Mundan bir hepde gowrak wagt ozal norwegiýaly tälimçisi Ole Gunnar Solskaýeri wezipesinden boşadan Mançester Ýunaýted täze tälimçisi bilen resmi ýagdaýda şertnama baglaşdy. Topara germaniýaly Ralf Rangnigiň ozal habar berlipdi. Şu gün, az salym öň Rangnigiň wagtlaýynça, möwsümiň ahyryna çenli Mançester Ýunaýtediň tälimçisi bolandygy habar berildi. Ol şol 6 aýdan soňam 2 ýyllap, maslahatçy wezipesinde işlär.
63 ýaşyndaky tälimçi 1985-nji ýylda Ştutgart II toparynda tälimçilige başlap, soňlugy bilen, ol Korb, Roýtlingen, Ulm, Ştutgart, Hannower, Şalke, Hoffenhaým we ýene-de Şalke klublaryna tälim berdi. 2012-nji ýylda-da Leipsig toparynyň maslahatçysy boldy. Soňky işlän ýeri-de Moskwanyň Lokomotiw topary bolup, ol bu klubda sport we aragatnaşyk direktory wezipesinde işleýärdi.
