1980-nji ýylyň ilkinji çagasy 2017-nji ýylyň birinji bäbegini dünýä inderdi.
Islandiýada 37 ýyldan soň, täsin ýagdaý emele geldi. 1980-nji ýylda ilkinji doglan çagalaryň biri bolan ýurduň Selfoss şäheriniň ýaşaýjysy Katrina Gudjonsdottir 2017-nji ýylyň ilkinji çagasyny dünýä indirdi. Munuň bilen baglanyşykly habarlar ýurduň metbugat neşirlerinde çap edildi.
Oglanjyk ýerli wagt bilen gije ýarysyndan 3 minut geçenden soňra dünýä indi. Ol maşgalanyň 3-nji çagasy boldy. Çaganyň we onuň ejesiniň ýagdaýynyň kanagatlanarlydygy mälim edildi. Täze doglan bäbegiň ejesi Katrina 1980-nji ýylda özüniň hem ilkinji doglan çagadygyny uly şatlyk bilen belläp geçdi.
Şeýlelikde, ejesi we oguly şol bir günde doglan günlerini belläp geçmek bilen çäklenmän, eýsem, dünýäde seýrek duş gelýän derejäniň hem eýesi boldular. Şeýle rekord üçin hiç hili baýrak göz öňünde tutulmandyr, ýöne Gudjonsdottir maşgalasy eýýäm dünýä metbugaty arkaly meşhur boldular.
