Angliýanyň Premier Ligasynda 14-nji tapgyryň jemleýji duşuşygynda Mançester Ýunaýted öz meýdançasynda Arsenaly 3-2 hasabynda ýeňdi. Mançesteriň gollaryny portugaliýaly ýyldyzlar – 44-nji minutda Bruno Fernandeş hem-de 52-nji minutda we penaltiden 70-nji minutda Kristiano Ronaldo girizdi. Arsenalyň gollaryny-da 13-nji minutda Emil Smit Row hem-de 54-nji minutda Martin Odegar geçirdi. 3 tapgyrdan soň ýeňiş gazanan Mançester Ýunaýtediň 2 goluny geçiren Kristiano Ronaldonyň karýerasyndaky gollarynyň sany 801-e ýetdi. Şeýlelikde, Ronaldo resmi duşuşyklarda 800 goldan geçen ilkinji futbolçy boldy. Bu ýeňişden soň Mançester Ýunaýted 7-nji orna beýgeldi.
Çempionatda Tottenham öz meýdançasynda Brentforddan 2-0 üstün çykmagy başardy.
