Germaniýanyň Federal Mejlisindäki ses berlişikde Sosýal-demokrat partiýanyň deputaty we ozalky maliýe ministri Olaf Şols hökümet başlygy wezipesine saýlandy. Şolz birinji tapgyrda ýeterlik derejede ses almagy başardy. Şolsa ses berlişige gatnaşan 707 deputatyň 395-si ses berdi. 303 deputat onuň wezipesini goldamady, 6 deputat saklandy, 3 ses hasap edilmedi. Şeýlelikde 63 ýaşly Şols Prezident rezidensiýasy “Bellevue” köşgüne gidip, Prezident Frank-Ualter Ştaýnmaýerden bu wezipä bellenendigi baradaky resminamany alar we Federal mejlise gelip, kasam kabul eder.
Wezipe möhleti tamamlanan Angela Merkel deputat bolmandygy üçin ses berlişige tribunadan tomaşa etdi.
