Angliýanyň Premier Ligasynda 17-nji tapgyrda sanawyň lideri Mançester Siti öz meýdançasyna Lids Ýunaýtedi kabul etdi. Ýer eýeleriniň doly artykmaçlygynda geçen oýunda Mançester Siti garşydaşynyň derwezesine gol baryny ýagdyrdy. 7-0 hasabynda ýeňiş gazanan Sitiniň gollaryny Foden (8), Griliş (13), De Bruýne (32, 62), Mahrez (49), Stouns (74) hem-de Ake (78) geçirdi. Bu ýeňişden soň utugyny 41-e çykaran Mançester Sitiniň liderligi dowam edýär. 16 utugy bolan Lids 16-njy ýerde barýar.
