Ispaniýanyň La Ligasynda ýanwar aýynda geçiriljek 22-nji tapgyryň öňe süýşürilen duşuşygynda Real Madrid myhmançylykda Atletik Bilbaony 2-1 hasabynda ýeňdi. Gollaryň üçüsi hem ilkinji 10 minutda geçirilip, 4-nji we 7-nji minutlarda tapawutlanan Karim Benzema La Liganyň taryhyna adyny altyn harplar bilen ýazdyrdy. 11 oýundan bäri ýeňilmän gelýän Real Madridiň fransuz hüjümçisiniň 2021-nji ýyldaky geçiren gollarynyň sany 30-a ýetdi. Şeýlelikde, Benzema bir kalendar senenamasynda 30 we 30-dan ýokary gol geçiren 4-nji futbolçy boldy. Ondan öňde Lionel Messi, Kristiano Ronaldo hem-de Luis Suares bu başarnygy görkezipdi.
Real Madrid 1 oýny artyk 46 utuk bilen birinji orunda barýar.
Şeýle-de La Ligada 9-njy tapgyryň galdyrylan duşuşygynda soňky çempion Atletiko Madrid myhmançylykda Granadan asgyn gelip, şu möwsümdäki 5-nji gezek ýeňlişe sezewar boldy.
