Gysga wagtlyk arakesmeden soň ertir, ýagny penşenbe güni (6-njy ýanwar) Italiýanyň çempionaty Serie A-da 2-nji aýlawa badalga berler. Ikinji aýlawyň ähli duşuşygy ertir geçirilip, duşuşyklar 5 dürli wagtda oýnalar. Başgaça aýdylanda, 5 dürli wagtyň hersinde 2 oýun oýnalar. “Türkmenistan sport” teleýaýlymy hem 5 duşuşygy göni ýaýlymda futbol janköýerleriniň dykgatyna ýetirer.
Ilkinji duşuşyk 16:30-da başlap, çempion hem-de sanawyň lideri Inter myhmançylykda Bolonýa bilen güýç synanyşar. Bu duşuşyk tamamlananyndan soň 18:30-da Lasio – Empoli, şeýle-de 20:30-da Atalanta – Torino oýunlary “Türkmenistan sport” teleýaýlymy arkaly ýaýlyma berler.
Tapgyryň iki esasy duşuşygy-da ýaýlymda bolup, olar Milan – Roma, hem-de Ýuwentus – Napoli duşuşyklarydyr. Milan – Roma duşuşygy 22:30-da, Ýuwentus – Napoli oýny bolsa, 00:45-de başlar.
