Italiýanyň çempionaty Serie A-nyň 21-nji tapgyry Roma bilen Ýuwentus duşuşyp, janköýerler 7 goluň şaýady boldular. 1-nji ýarymda toparlaryň hersi 1 gol geçirip, deňlik ýagdaýynda arakesmä çykdylar. Ýöne 2-nji ýaryma erjel başlan rimliler 8 minutda 2 gol geçirip, hasaby 3-1-e ýetirdiler. Ýöne ruhdan düşmedik turinliler 70-77-nji minutlar aralygynda 3 gol geçirip, 4-3 öňe saýlandylar. 81-nji minutda bir oýunçysy gyzyl kart alan Ýuwentusyň derwezeçisi Şensnyý 83-nji minutda Pellegrininiň penaltisini saklady. Şeýlelikde, Roma hasaby deňläp bilmän bassyr 2 oýunda ýeňlişe sezewar boldy. 5-nji ýerde barýan we 8 oýundan bäri ýeňilmän gelýän Ýuwentus şol duşuşyklarda 6 gezek ýeňiş gazandy. Mourino 1024 oýunlyk tälimçilik karýerasynda 2-nji gezek 2 gol aratapawudy bilen öňe saýlansa-da meýdançany ýeňliş bilen terk etdi. Portugaliýaly hünärmen 2015-nji ýylda FA Kubogynda Çelsi 2-0 öňe geçse-de, soňlugy bilen Bretford 4-2 ýeňiş gazanyp, 1/8 finala çykypdy.
Serie A-da 3-nji ýerde barýan Napoli öz meýdançasynda Sampdoriýany Petanýanyň ýeke-täk goly bilen 1-0 ýeňdi.
Roma – Ýuwentus: 3-4 (Abraham 11, Mhitarýan 48, Pellegrini 53 – Dibala 18, Lokatelli 70, Kulusewski 72, De Şilio 77)
Napoli – Sampdoriýa: 1-0 (Petanýa 43)
