Türkiýäniň çempionatynda yzly-yzyna alnan şowsuz netijelerden soň Galatasaraý kluby toparyň tälimçisi Fatih Terimi wezipesinden boşatdy. Soňky duşuşykda öz meýdançasynda Giresunspordan 1-0 asgyn gelen Galatasaraý 27 utuk bilen 12-nji orunda barýar. Topar öňdebaryjy Trabzonspordan 22 utuk yzda bolup, Jim Bom soňky 9 duşuşygyň diňe birinde ýeňiş gazandy. Şeýlelikde, 20 oýunda 7 ýeňiş gazanan Galatasaraýdaky 4-nji Fatih Terom döwri hem tamamlandy. Topara mundan soň kimiň tälim berjekdigi häzirlikçe belli däl.
Fatih Terim Galatasaraýda 4 döwür – 1999-2000-nji ýyllarda, 2002-2004-nji ýyllarda, 2011-2013-nji ýyllarda hem-de 2017-2022-nji ýyllarda işläp, ol kluba Süper Ligde 8 çempionlyk gazandyrdy. UEFA Kubogyny hem gazandyran tälimçiniň ýolbaşçylygynda Jim Bom 3 gezek Türkiýäniň Kubogyny, 5 gezek hem Super Kubogy gazandyrdy.
