Meşhur rus ýazyjysy Lew Tolstoýyň çowlugy Sergeý Tolstoý 100 ýaşynda ABŞ-da aradan çykdy. Sergeý Tolstoý 4-nji ýanwarda Merilend ştatynyň Betesda şäherindäki hassahanada aradan çykdy. Onuň ölümine hroniki kesel sebäp boldy. Maglumatlarda onuň insult geçiren bolmagynyň hem mümkindigi bellenilýär.
Lew Tolstoýyň çowlugy Sergeý atasynyň 200-den gowrak göni neslinden biridir. Lew Tolstoýyň 13 çagasy bardy. Olaryň köpüsi 1917-nji ýyldaky ynkylapdan soň Russiýadan gitdiler. Sergeý Tolstoý ömrüniň köp bölegini Ýewropa geçirip, 1960-njy ýyllaryň ahyrynda Waşingtona göçüp geldi.
Sergeý ýazyjynyň agtygy Wera Tolstoýyň ýekeje ogludy. Ol göçenden soň Ýugoslawiýada ýaşap, çeh tokaý senagat söwdagäri Odo Bakowskiniň sekretary bolýar. Olar yslam däp-dessurlaryna görä durmuş gurýarlar we olaryň ogly Sergeý 1922-nji ýylda dünýä inýär. Ömrüniň ahyrynda Sergeý Tolstoý Moskwanyň 200 kilometr günortasyndaky Yasnaýa Polýanada maşgala duşuşyklaryna wagtal-wagtal gatnaşýardy. Çünki bu ýerde onuň atasynyň ömrüniň köp bölegi geçipdi.
