UEFA Çempionlar Ligasynda 1/8 finalyň beýleki bir duşuşygynda Mançester Siti myhmançylykda Lissabonyň Sporting toparyny 5-0 hasabynda derbi-dagyn etdi. Eýýäm 1-nji ýarymda 4 gol geçiren iňlis klubunyň adyndan Riýad Mahrez (7), Bernardo Silwa (17, 44), Fil Foden (32) hem-de Rahim Sterling (58) tapawutlandy. Ýene-de birnäçe amatly pursatlary elden gideren Mançester Siti gazanan bu uly hasaply ýeňşinden soň çärýek finala çykdy diýip, aýtsa bolar. Elbetde, jogap duşuşygynda futboldaky garaşylmadyk netijeleriň biri ýüze çykmadyk ýagdaýynda. Jogap duşuşygy 9-njy martda Angliýada oýnalar.
* Rahim Sterlingiň goly Mançester Sitini UÇL-däki 200-nji goly hökmünde hasaba alyndy.
* Sporting topary şu möwsümde 2-nji gezek bir duşuşykda gol geçirip bilmedi.
* Pep Guardiola UÇL-de pleý-off oýunlarynda 36-njy ýeňşini gazanyp, öz rekordyny täzeledi.
