Angliýanyň 2-nji ligasy Championship-de aşaky orunlarda barýan Derbi Kaunti toparynyň tälimçisi Weýn Runi nobatdaky transfer möwsüminde 40 futbolçy transfer etmelidiklerini aýtdy. Ligada galmak üçin göreş alyp barýan toparyň maliýe meseleleri sebäpli 21 utugy alnypdy. Soňky tapgyrda Middlsbrodan 4-1 utulan toparyň tälimçisi duşuşykdan soň: “Topara täze eýe çykjak biri gerek. Bu biziň üçinem gowy bolar. Tomusky transfer möwsüminde esasy toparyň hem-de ýaşlar düzüminiň (U-23) jemi 40 futbolçy transfer etmeli boljak. Bu uly iş. Bize kadaly býujetli kimdir biriniň gelip eýe çykmagy zerur” diýip, gürrüň berdi. Topar häzirki wagtda 18 utuk bilen aşaky orunlarda barýar.
